पिएनजीले दियो नेपाललाई जितका लागि २९३ रनको लक्ष्य

काठमाडौं । पहिलो एकदिवसीय अन्तराष्ट्रिय क्रिकेटमा पपुवा न्युजिनी (पीएनजी) ले नेपाललाई २९३ रनको लक्ष्य दिएको छ । यो नेपाललाई दिएको बलियो लक्ष्य हो ।
त्रिवि क्रिकेट मैदानमा भएको खेलमा पीएनजीले निर्धारित ५० ओभरमा २९२ रन जोड्यो । उसले ८ विकेट गुमाउँदै २९२ रनको योगफल जोडेको हो ।

पिएनजीका लागि चार्ल्स अमिनीले सर्वाधिक ७७ रनको जोडे । उनले १ सय ३ बलमा ६ चौका र १ छक्का प्रहार गर्दै सर्वाधिक रन बनाए । त्यस्तै कप्तान असद भालाले ५५ बलमा ११ चौका प्रहार गर्दै ६० रनको अर्धशतकीय इनिङ खेले । 

---

पीएनजीका ओपनर ओपनर टोनी उराले ३८ रन, रिले हेकुरेले ३१, नोरमान भानुअले आक्रामक ४७ रन, जासन किलले १३ रन र सिमोन अटाइले २ रन को योगदान दिए।

नेपालका कमल ऐरी, सोमपल कामी, दिपेन्द्र सिंह ऐरीले समान २÷२ विकेट लिए । संदेप लामिछाने र आरिफ शेखले १÷१ विकेट हात पारे ।