त्रिकोणात्मक टी–२० सिरिज : नेपालले दियो पीएनजीलाई १८४ रनको विशाल लक्ष्य

काठमाडौँ - त्रिकोणात्मक टी–ट्वान्टी सिरिजअन्तर्गतको पहिलो खेलमा नेपालले पपुवा न्युगिनी (पीएनजी)लाई १८४ रनको विशाल लक्ष्य दिएको छ । त्रिवि क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ९ विकेट गुमाएर १८३ रन बनाएको हो । 

नेपालका लागि आसिफ शेखले सर्वाधिक ४३ रन बनाए । ३५ बल खेलेका उनले पाँच चौका र एक छक्काको मद्दतले ४३ रन बनाएर आउट भए ।

---

त्यस्तै रोहित पौडेलले ३४ रन बनाउँदा कुशल भुर्तेलले २० रन बनाएर आउट भए । कुशल मल्लले ११ रन बनाउँदा दिपेन्द्र सिंह ऐरी ४ रन बनाएर आउट भए । 

करण केसी १४ रन बनाएर आउट भए । लोकेश बमले पाँच बनाए भने सोमपाल कामीले १ रन बनाए । 

आरिफ शेखल  ३४ रन बनाए ।

सन्दिप लामिछानेले १ रन बनाए । 

यसअघि भएको एक दिवशीय सिरिज पीएनजीले क्लिन स्विप गरेको थियो । एकदिवसीय अन्तर्राष्ट्रिय सिरिजमा क्लिन स्विप भएको नेपाल टी–ट्वान्टी सिरिजमा त्यसको बदला लिने लक्ष्यमा छ ।