नेदरल्यान्ड्समाथि न्यूजिल्यान्डको शानदार जित

काठमाडौं -  घरेलु टोली न्यूजिल्यान्डले नेदरल्यान्ड्सविरुद्धको पहिलो एकदिवशीय खेलमा जित हात पारेको छ । माउन्ट मान्गुनुईमा भएको खेलमा न्यूजिल्यान्डले नेदरल्यान्ड्सलाई ७ विकेटले पराजित गरेको हो ।

जितका लागि चाहिएको २ सय ३ रनको लक्ष्य न्यूजिल्यान्डले ३८ ओभरमा ३ बलमा मात्र ३ विकेट गुमाएर पुरा गर्यो । न्यूजिल्यान्डको जितमा विल योंगले १ सय ३ रनमा अविजित रहँदै शतकीय पारी खेले । हेनरी निकोल्सले ५७ रनको योगदान गरे ।

---

नेदरल्यान्ड्सका माइकल रिप्पोनल सर्वाधिक २ तथा लोगन भान बिकले १ विकेट हात पारे । यस अघि टस जितेर पहिले ब्याटिङ गरेको नेदरल्यान्ड्सले निर्धारित ५० ओभरको दुई बल बाँकी छदै २ सय २ रनमा अलआउट भयो ।

नेदरल्यान्ड्सका लागि माइकल रिप्पोनले सर्वाधिक ६७ तथा कप्तान पिटर सिलारले ४३ रन जोडे ।न्यूजिल्यान्डका ब्लेर टिकनरले सर्वाधिक ४ तथा कायल जामिसनले ३ विकेट लिए । जितसँगै न्यूजिल्यान्डले तीन खेलको सिरिजमा १–० को अग्रता बनाएको छ ।