अफगानिस्तानको प्रशिक्षक थोर्पे नियुक्त

काठमाडौं – ग्राहम थोर्पे अफगानिस्तान क्रिकेट टिमका मुख्य प्रशिक्षक नियुक्त भएका छन् ।

लान्स क्लुसेनेरले नोभेम्बरमा अफगानिस्तान टिमको प्रशिक्षक पदबाट राजीनामा दिएपछि उनको स्थानमा इंग्ल्यान्डका पूर्व क्रिकेटर थोर्पे आएका हुन् ।

---

थोर्पेले इंग्ल्यान्डका लागि सन् १९९३ देखि २००५ सम्म एक सय टेष्ट क्रिकेट खेलेका थिए ।

थोर्पे यस अघि इंग्ल्यान्ड क्रिकेट टिमका सहायक प्रशिक्षक रहेका थिए तर इंग्ल्यान्डले एसेस टेस्ट सिरिजमा अष्ट्रेलियाविरुद्ध पराजय भोगेपछि उनलाई बर्खास्त गरिएको थियो ।

इंग्ल्यान्डले अष्ट्रेलियाविरुद्धको टेस्ट सिरिज ४–० ले हारेको थियो ।