सनराइजर्सलाई १२ लाख जरिवाना

काठमाडौं - इण्डियन प्रिमियर लिग (आईपीएल) टिम सनराइजर्स हैदराबादलाई १२ लाख भारतीय रुपैयाँ जरिवाना तिराइएको छ ।

मंगलबार राति महाराष्ट्र क्रिकेट एसोसियसन स्टेडियममा राजस्थान रोयल्सविरुद्धको खेलका क्रममा स्लो–ओभर गरेको भन्दै सनराइजर्सका कप्तान केन विलियम्सनलाई १२ लाख भारु जरिवाना गरिएको हो ।

---

उक्त खेलमा राजस्थानविरुद्ध सनराइजर्सले ६१ रनको पराजय भोगेको थियो ।

राजस्थानको जितमा कप्तान सन्जु सामसनले ५५ रन तथा देभदत्त पाडिकालले ४१ रनको योगदान गरे । साथै युजवेन्द्र चहलले ३ विकेट हात पारेका थिए ।