रियल म्याड्रिडका प्रशिक्षक एन्सेलोटीमा कोभिड संक्रमण

काठमाडौं – स्पेनिस क्लब रियल म्याड्रिडका प्रशिक्षक कार्लो एन्सेलोटीमा कोरोना भाइरसको संक्रमण देखिएको छ । क्लबले ६२ वर्षीय प्रशिक्षक एन्सेलोटीमा कोरोना संक्रमण पुष्टि गरेको हो । 

कोरोना देखिएपछि एन्सेलोटीले ला लिगा अन्तर्गतको सेल्टा भिगोविरुद्ध शनिबार हुने खेल गुमाउन सक्ने बताइएको छ । उनले चेल्सीविरुद्ध अर्को हप्ता हुने च्याम्पियन्स लिगको क्वाटरफाइनल खेलको पहिलो लेगको खेल समेत गुमाउन सक्ने छन् ।

---

म्याड्रिडका वेल्जीयन विंगर इडेन हाजार्डले पनि सेल्टा भिगो तथा चेल्सीविरुद्धको खेल गुमाउने भएका छन् । लुका जोभिक तथा इस्कोले पनि ती खेलहरू गुमाउन सक्ने आशंका गरिएको छ ।