बार्सिलोनालाई पछि पार्दै रियल म्याड्रिड दोस्रो स्थानमा

काठमाडौँ : स्पेनिस ला लिगा फुटबलमा रियल म्याड्रिड दोस्रो स्थानमा उक्लिएको छ । शनिबार राती भएको खेलमा सेल्टा डी भिगोलाई ३-१ गोल अन्तरले हराउँदै रियल दोस्रो स्थानमा उक्लिएको हो । रियललाई जिताउन करिम बेन्जेमाले दुई तथा मार्को असेन्सियोले एक गोल गरे । 

सेल्टाका लागि शान्ति मिनाले एक गोल फर्काए । जितसँगै रियल २८ खेलबाट ६० अंकसहित ला लिगाको दोस्रो स्थानमा उक्लिएको हो । एक खेल कम खेलेको बार्सिलोनाको ५९ अंक छ । ६३ अंकसहित एथ्लेटिको म्याड्रिड भने शीर्ष स्थानमा छ । शनिबार राती नै भएको अर्को खेलमा सेभिल्ला र भालाडोलिडले एक-एक गोलको बराबरी खेलेका छन् । 

---