फर्नान्डेजले थपे म्यान्युसँगको सम्झौता

काठमाडौँ – इंग्लीस प्रिमियर लिग क्लब म्यानचेस्टर युनाइटेडले मिडफिल्डर ब्रुनो फर्नान्डेजस“गको सम्झौता एक वर्षका लागि थप गरेको छ । नयाँ सम्झौता अनुसार फर्नान्डेज युनाइटेडमा सन् २०२६ सम्म रहनेछ । फर्नान्डेज सन् २०२० को जनवरीमा ४७ मिलियन युरोमा युनाइटेडमा आवद्ध भएका थिए । 

पोर्चूगलका २७ वर्षीय मिडफिल्डर फर्नान्डेजले युनाइटेडका लागि १ सय १७ खेलमा ४९ गोल गरिसकेका छन् । गत सिजन फर्नान्डेजले युनाइटेडका लागि सर्वाधिक २८ गोल गरेका थिए । 

---

उनले आफूले क्लबमा रहेर थप उपलब्धि हासिल गर्न खोजेको तथा क्लबका सबै खेलाडी र पदाधिकारीको पनि सोही चाहना रहेको प्रतिक्रिया दिए । युनाइटेडका निर्देशक जोन मुर्टोफले फर्नान्डेज व्यावसायिक रहेको तथा उनले लगातार राम्रो प्रदर्शन गरेको भन्दै प्रशंसा गरे ।