काठमाडौँ – त्रिकोणात्मक टी–ट्वान्टी क्रिकेट सिरिज अन्तर्गत नेपालले आज मलेसियाको सामना गर्दैछ । नेपाल र मलेसियाबीचको खेल त्रिवी क्रिकेट मैदानमा १२ः३० बजे सुरु हुनेछ । लगातार तीन खेलमा जित हात पार्दै फाइनलमा प्रवेश गरिसकेको नेपालले जितलाई निरन्ता दिन चाहन्छ । 

यता मलेसियाका लागि भने नेपालविरुद्धको खेल गर र मरको अवस्थामा हुनेछ  किनभने फाइनलमा प्रवेश गर्न मलेसियाले नेपाललाई पराजित गर्नुको विकल्प छैन् ।

---

सिरिज अन्तर्गत नेपालले तीन खेलबाट ६ अंक जोड्दै शीर्ष स्थानमा रहदा मलेसिया र पपुवा न्यूगिनीको समान दुई–दुई अंक रहेको छ । तर नेट रनरेटमा पीएनजी भने मलेसिया भन्दा माथि रहेको छ । 

सिरिज अन्तर्गत नै नेपालले मलेसियाविरुद्धको पहिलो खेलमा ६ विकेटको जित हात पारेको थियो ।