न्युजिल्यान्डद्वारा सिरिज क्लिनस्विप

काठमाडौँ – न्युजिल्यान्डले नेदरल्यान्ड्सविरुद्धको तीन खेलको एकदिवसीय क्रिकेट सिरिज क्लिनस्विप गरेको छ । न्युजिल्यान्डले तेस्रो तथा अन्तिम एकदिवसीय १ सय १५ रनले जित्दै सिरिज क्लिनस्विप गरेको हो । 

तेस्रो खेलमा जितका लागि ३ सय ३४ रनको लक्ष्य पछ्याएको नेदरल्यान्ड्स ४२ ओभर ३ बलमा अलआउट हुदै २ सय १८ रनमा समेटियो । नेदरल्यान्ड्सका लागि स्टेफन माइवर्गले सर्वाधिक ६४ रन जोडे । लोगान भान बिक ३२ रनमा आउट भए । न्युजिल्यान्डका लागि म्याट हेनरीले सर्वाधिक ४ विकेट लिए । 

---

यस अघि टस जितेर पहिले ब्याटिङ गरेको न्युजिल्यान्डले विल योंग र मार्टिन गुप्टीलको शतकको मदतमा निर्धारित ५० ओभरमा ८ विकेटको क्षतिमा ३ सय ३३ रन जोड्यो । 

विलले १ सय २० रन जोड्दा मार्टिनले १ सय ६ रनको योगदान गरे । नेदरल्यान्ड्सका लागि फ्रेड क्लासेन, लोगान भान बिक, क्लेटोन फ्लोयड र आर्यन दत्तले समान दुई–दुई विकेट लिए