बंगलादेशमाथि दक्षिण अफ्रिकाको शानदार जित

काठमाडौँ – दक्षिण अफ्रिकाले बंगलादेशविरुद्धको पहिलो टेष्टमा २ सय २० रनको शानदार जित हात पारेको छ । जितपछि दक्षिण अफ्रिकाले दुई खेलको टेष्ट सिरिजमा १–० को अग्रता बनाएको छ । 

जितका लागि चाहिएको २ सय ७४ रनको लक्ष्य पछ्याएको बंगलादेश ५३ रनमै अलआउट भयो । लक्ष्य पछ्याउने क्रममा दोस्रो इनिङ्समा बंगलादेशका लागि नजमुल होसेन सान्टोले सर्वाधिक २६ रन जोडे । 

---

दोस्रो इनिङ्समा बंगलादेशलाई सस्तैमा समेट्न दक्षिण अफ्रिकाका लागि केशव महाराजले सर्वाधिक ७ विकेट लिए । सिमोन हार्मरले ३ विकेट लिए । 

यस अघि पहिले ब्याटिङ गर्दै दक्षिण अफ्रिकाले पहिलो इनिङ्समा ३ सय ६७ रन जोडेको थियो । बंगलादेशले पहिलो इनिङ्समा भने महमुदुल हसन जोयको १ सय ३७ रनको मदतमा २ सय ९८ रन जोडेको थियो । 

दोस्रो इनिङ्समा भने दक्षिण अफ्रिकाले २ सय ४ रन जोडेपछि बंगलादेशले २ सय ७४ रनको लक्ष्य पाएको थियो ।