दिपेन्द्रलाई प्लेयर अफ द सिरिजको अवार्ड

काठमाडौँ – नेपाली क्रिकेट टिमका अलराउन्डर दिपेन्द्र सिंह ऐरी त्रिकोणात्मक टी–ट्वान्टी सिरिजको प्लेयर अफ द सिरिज बनेका छन् । नेपालले पपुवा न्यूगिनीलाई ५० रनले पराजित गर्दै सिरिजको उपाधि जित्दा दिपेन्द्रले ब्याटिङ र बलिङमा उत्कृष्ट प्रदर्शन गरेपछि प्लेयर अफ द सिरिज घोषित भएका हुन् ।

सिरिज अन्तर्गत नेपालले खेलेका ५ वटै खेल जित्दा दिपेन्द्रले सर्वाधिक २ सय ५५ रन जोड्दा एक शतक समेत प्रहार गरेका थिए । उनले ७ विकेट समेत लिए ।  उनी प्लेयर अफ द फाइनल समेत चुनिए । फाइनलमा उनले ५४ बनाउनुका साथै ४ विकेट समेत हात पारे । 

---

यता सर्वाधिक १३ विकेट हात पारेका करण केसी बेस्ट बलर चुनिए । उनले सिरिज अन्तर्गत ह्याट्रिक लिदै एकै खेलमा ५ विकेट समेत हात पारेका थिए । पीएनजीका टोनी उरा बेस्ट ब्याट्सम्यान घोषित भए । सिरिजमा उनले १ सय ९० रन जोडेका थिए ।