म्याराडोनाको जर्सीको मूल्य ४ मिलियन युरो भन्दा बढी  हुने अनुमान

काठमाडौँ – अर्जेन्टिनी फुटबल स्टार डिएगो म्याराडोनाले सन् १९८६ को फिफा विश्वकप अन्तर्गत इंग्ल्यान्डविरुद्ध लगाएको जर्सीले लिलामीमा ४ मिलियन युरो भन्दा बढी प्राप्त गर्ने अनुमान गरिएको छ । 

इंग्ल्यान्डविरुद्धको क्वाटरफाइनल खेलमा म्याराडोनाले ‘ह्यान्ड अफ गड’ र ‘गोल अफ द सेन्चुरी’ गोल गर्दा उक्त जर्सी लगाएका थिए । सो जर्सी अप्रिल २० देखि मे ४ तारिखसम्म अनलाइनमार्फत विक्री हुनेछ र लिलाम अवधिभर लन्डनको सोथेबीमा प्रदर्शनीमा राखिनेछ ।  

---

म्याराडोनाको उक्त जर्सी अहिले इंग्ल्यान्डका पूर्व मिडफिल्डर स्टिभ होजसँग रहेको छ । अर्जेन्टीनाले इंग्ल्यान्डलाई २–० ले पराजित गरेपछि होज र म्याराडोनाले जर्सी आदानप्रदान गरेका थिए । 

होजले हावामा फ्लिक गरेको बललाई म्याराडोनाले ‘ह्यान्ड अफ गड’ गोल गरेका थिए ।