बुन्डेसलिगामा डर्टमण्डको जित

काठमाडौँ – जर्मन बुन्डेसलिगा फुटबल अन्तर्गत बोरुसिया डर्टमण्डले जित हात पारेको छ । शुक्रबार राति भएको खेलमा डर्टमण्डले स्टुटगार्डलाई २–० गोल अन्तरले पराजित गरेको हो । 

डर्टमण्डको जितमा दुबै गोल जुलियन ब्रान्टले गरे । खेलको १२ औ“ मिनेटमा जुलियनले गोल गर्दै डर्टमण्डलाई अग्रता दिलाएका थिए । खेलको ७१ औँ मिनेटमा जुलियनले व्यक्तिगत दोस्रो गोल गरेपछि डर्टमण्डको जित सुनिश्चित भयो । 

---

जितसँगै लिग तालिकाको दोस्रो स्थानमा रहेको डर्टमण्डले २९ खेलबाट ६० अंक जोडेको छ । शीर्ष स्थानको वायर्न म्युनिकको २८ खेलमा ६६ अंक रहेको छ । उसले डर्टमण्ड भन्दा एक खेल कम खेलेको छ । 

यता स्टुटगार्डले भने २९ खेलबाट २७ अंक जोड्दै १५ औँ स्थानमा रहेको छ ।