ला लिगामा सेभियाको रोमाञ्चक जित

काठमाडौँ – स्पेनिस ला लिगा अन्तर्गत सेभियाले ग्रानाडामाथि रोमाञ्चक जित हात पारेको छ । शुक्रबार राति भएको खेलमा सेभियाले ग्रानाडालाई ४–२ गोल अन्तरले पराजित गरेको हो ।

सेभियालाई जित दिलाउन डिएगो कार्लाेस, लुकास ओकाम्पोस, राफा मिर र गोमेजले एक–एक गोल गरे । ग्रानाडाका लागि डार्विन माचिस र भिक्टर डियाज मिगुएसले एक–एक गोल फर्काए । 

---

खेलको २३ औँ मिनेटमा डार्विन माचिसको गोल गर्दै ग्रानाडालाई अग्रता दिलाए । तर सेभियाका ३२ औँ मिनेटमा डिएगो कार्लाेसले गोल गर्दै खेललाई बराबरीमा ल्याए । ६६ औँ मिनेटमा लुकास ओकाम्पोसले गोल गर्दै सेभियालाई २–१ को अग्रता दिलाए । 

खेलको ८८ औँ मिनेटमा ग्रानाडाका भिक्टर डियाजले गोल गरेपछि खेल २–२ गोलको बराबरीमा पुगेको थियो । तर इन्जुरी समयमा राफा मिर र गोमेजले गोल गरेपछि सेभियाले रोमाञ्चक जित दर्ता गर्यो ।

जितसँगै सेभिया ३१ खेलबाट ६० अंक जोड्दै दोस्रो स्थानमा उक्लिएको छ । शीर्ष स्थानको रियल म्याड्रिडले भने ३० खेलबाट ६९ अंक जोडेको छ । ग्रानाडा भने ३१ खेलबाट २९ अंक जोडेर १६ औँ स्थानमा रहेको छ ।