प्रो क्लब क्रिकेटमा उत्तर प्रदेशको जित

काठमाडौँ – प्रो क्लब च्याम्पियनशीप क्रिकेट अन्तर्गत उत्तर प्रदेश क्लब ११ ले जित हात पारेको छ । भैरहवाको सिद्धार्थ रंगशालामा शनिबार भएको खेलमा उत्तर प्रदेशले ट्यालेन्ट हन्ट क्रिकेट एकेडेमीलाई ८ विकेटले पराजित गरेको हो । उत्तर प्रदेशले ७८ रनको सामान्य लक्ष्य ११ ओभर ५ बलमा मात्र २ विकेट गुमाएर पुरा गर्यो ।

उत्तर प्रदेशको जितमा विवेक सिंहले अविजित रहदै सर्वाधिक ३३ रनको योगदान गरे । शुभम चौधरीले १७ रन जोडे । ट्यालेन्ट हन्टका लागि राज बम र मोहमद मोसराफाले एक–एक विकेट हात पारे । यस अघि टस जितेर पहिले ब्याटिङ गरेको ट्यालेन्ट हन्ट १८ ओभर २ बलमा अलआउट हुदै ७७ रनमा सिमित भयो ।

---

ट्यालेन्ट हन्टका लागि एमडी उमारले सर्वाधिक २० रन जोडे । उत्तर प्रदेशका लागि प्रिन्स शाहीले ४ तथा तेजास सिंहले ३ विकेट हात पारे ।