एपीएफमाथि आर्मीको जित

काठमाडौँ – प्रो क्लब च्याम्पियनशीप क्रिकेट अन्तर्गत त्रिभुवन आर्मी क्लबले नेपाल एपीएफ क्लबमाथि जित हात पारेको छ ।

भैरहवाको सिद्धार्थ क्रिकेट रंगशालामा शनिबार भएको खेलमा आर्मीले एपीएफलाई ५१ रनले पराजित गर्‍याे। 

---

१ सय ४० रनको विजयी लक्ष्य पछ्याएको एपिएफ १९ ओभर १ बलमा आलआउट हुदै ८८ रनमा समेटियो । एपीएफका लागि कप्तान प्रदीप ऐरीले सर्वाधिक ३१ रन बनाए । आर्मीका लागि सोमपाल कामीले सर्वाधिक ४ विकेट लिए । 

यस अघि टस जितेर पहिले ब्याटिङ गरेको आर्मीले निर्धारित २० ओभरमा ६ विकेट गुमाउँदै १ सय ३९ रन जोड्यो । आर्मीका लागि रोहित पौडेलले  सर्वाधिक ८० रनको योगदान गरे । 

एपिएफका लागि भुवन कार्की र किशोर महतोले समान दुई–दुई विकेट हात पारे ।