प्रो क्लब क्रिकेटमा रुपन्देहीद्वारा पुलिस पराजित

काठमाडौँ – रुपन्देही ११ प्रो क्लब च्याम्पियनशीप क्रिकेटको सेमिफाइनल नजिक पुगेको छ । भैरहवाको सिद्धार्थ रंगशालामा नेपाल पुलिस क्लबलाई २९ रनले पराजित गर्दै रुपन्देहीले लगातार दोस्रो जित हात पारेको हो । 

१ सय १८ रनको लक्ष्य पछ्याएको पुसिल १८ ओभर ५ बलमा अलआउट हुदै ८८ रनमा सिमित भयो । पुलिसका लागि शंकर रानाले सर्वाधिक २८ रनको योगदान गरे । 
रुपन्देहीका लागि बसिर अहमदले सर्वाधिक ३ विकेट हात पारे । कृष्ण कार्की, अनिल खरेल र विशाल बिक्रम केसीले दुई–दुई विकेट लिए । 

---

यस अघि टस जितेर पहिले ब्याटिङ गरेको रुपन्देहीले निर्धारित २० ओभरमा ८ विकेट गुमाएर १ सय १७ रन जोड्यो । रुपन्देहीका लागि विशाल विक्रम केसीले सर्वाधिक २९ रनको योगदान गरे । पुलिसका पवन सर्राफले सर्वाधिक ४ विकेट लिए ।