एडभान्सको १९५ रनको जित, दिपेशको शतक

काठमाडौँ – प्याट्रियोट्स कप इन्टर कलेज टी–ट्वान्टी क्रिकेट प्रतियोगिता अन्तर्गत हिमालयन ह्वाइट हाउस कलेज र एडभान्स एकेडेमीले जित हात पारेका छन् । मुलपानी क्रिकेट मैदानमा भएको खेलमा एडभान्सले ओमेगा कलेजलाई १ सय ९५ रनले पराजित गरेको हो । 

जितका लागि २ सय १६ रनको लक्ष्य पछ्याएको ओमेगा ७ ओभर ३ बलमा अलआउट हुदै २० रनमै समेटियो । ओमेगाका लागि सुशिल पन्तले सर्वाधिक ५ रन जोडे ।एडभान्सका लागि विप्रल खतिवडाले सर्वाधिक ३ विकेट हात पारे । 

---

यस अघि टस जितेर पहिले ब्याटिङ गरेको एडभान्सले निर्धारित २० ओभरमा ५ विकेट गुमाएर २ सय १५ रन जोड्यो । एडभान्सका लागि दिपेश दासले सर्वाधिक १ सय ३ रन तथा तक्सक सिमखडाले ५२ रन जोडे । 

अर्को खेलमा हिमालयन ह्वाइटले टेक्सस कलेजलाई ३४ रनले पराजित गर्‍याे ।