प्रो क्लब क्रिकेटमा आर्मीको दोस्रो जित

काठमाडौँ – त्रिभुवन आर्मी क्लबले प्रो क्लब च्याम्पियनशीप क्रिकेटमा लगातार दोस्रो जित हात पारेको छ । भैरहवाको सिद्धार्थ रंगशालामा आइतबार भएको खेलमा आर्मीले ट्लेन्ट हन्ट क्रिकेट एकेडेमीलाई ८ विकेटले पराजित गर्दै दोस्रो जित दर्ता गरेको हो । 

९७ रनको लक्ष्य आर्मीले १४ ओभरमा २ विकेट गुमाएर पुरा गर्यो । आर्मीको जितमा रोहित पौडेलले अविजित रहदै सर्वाधिक ४१ रन जोडे । 

---

यस अघि टस जितेर पहिले ब्याटिङ गर्दै निर्धारित २० ओभरमा ८ विकेट गुमाएर ९६ रन जोड्यो । ट््यालेन्ट हन्टका लागि अविदुर कैफले सर्वाधिक २३ रन जोडे ।

आर्मीका लागि कुशल मल्लले सर्वाधिक ३ विकेट हात पारे । सुशान भारी र सोमपाल कामीले समान दुई–दुई विकेट लिए ।