अमेरिका जानुअघि नेपालले क्यानाडा भ्रमण गर्ने

काठमाडौँ – नेपाल क्रिकेट टिमले क्यानाडाको भ्रमणको तयारी गरिरहेको छ । आइसीसी क्रिकेट विश्वकप डिभिजन लिग २ अन्तर्गत अमेरिका र ओमानविरुद्ध त्रिकोणात्मक सिरिजका लागि नेपालले अमेरिकाको भ्रमण गर्दैछ । 

तर अमेरिकाको जानु अघि नेपालले क्यानाडाको भ्रमण गर्ने तयारी गरिरहेको नेपाल क्रिकेट संघ (क्यान) का क्रिकेट म्यानेजर विनोद दासले इकागजलाई बताए ।दासका अनुसार अहिले नेपाली टिमको भिषाको प्रक्रिया चलिरहेको तथा भिषाको प्रक्रिया पुरा भए करिब १० दिनका लागि क्यानाडा भ्रमणमा हुनेछ । नेपाली टिम मे महिनाको तेस्रो साता क्यानाडा जानेछ । 

---

नेपालले अमेरिका र ओमानविरुद्धको एकदिवसीय त्रिकोणात्मक सिरिज जुन ७ देखि १४ तारिखसम्म खेल्नेछ । त्यस अघि नेपालले क्यानाडासँग मैत्रीपूर्ण खेल्ने तयारी गरिरहेको छ ।

नेपालले क्यानाडासँग दुई टी–ट्वान्टी अन्तर्राष्ट्रिय तथा ५० ओभरको तीन खेल खेल्ने सम्भावना रहेको छ ।