बाबरलाई 'प्लेयर अफ द मन्थ'को अवार्ड

काठमाडौँ – पाकिस्तान क्रिकेट टिमका कप्तान बाबर आजम मार्च महिनाका लागि आईसीसी प्लेयर अफ द मन्थ घोषित भएका छन् । आजमले वेस्ट इन्डिजका कप्ता क्रेग ब्रेथवेट तथा अष्ट्रेलियाका कप्तान प्याट कमिङ्सलाई पछि पार्दै प्लेयर अफ द मन्थको अवार्ड जितेका हुन् ।

आजमले मार्च महिनामा अष्ट्रेलियाविरुद्धको दोस्रो टेष्टमा १ सय ९६ रन बनाएका थिए । आजमले अष्ट्रेलियाविरुद्धको तीन टेष्ट खेलका सिरिजमा ३ सय ९० रन जोडेका थिए । उनले अष्ट्रेलियाविरुद्धको एकविदसीय क्रिकेट सिरिजको दोस्रो खेलमा १ सय १८ रन जोडेका थिए । 

---

यता महिलातर्फ अष्ट्रेलियाकी राचायल हायनेसले प्लेयर अफ द मन्थको अवार्ड हात पारिन् । हायनेसले इंग्ल्यान्डकी सोफी इक्लेस्टोन र दक्षिण अफ्रिकाकी लाउरा उल्भार्टलाई पछि पारिन् । ​हायनेसले भर्खरै अष्ट्रेलियालाई आईसीसी महिला विश्वकपको उपाधि दिलाएकी थिईन् ।