६ बलमा ६ विकेट

काठमाडौँ – भैरहवाको सिद्धार्थ रंगशालामा जारी प्रो क्लब च्याम्पियनशीप क्रिकेट अन्तर्गत ६ बलमा ६ विकेटको पतन भएको छ । पुस स्पोर्टस दिल्ली र मलेसिया क्लब ११ बीचको खेलमा क्रममा ६ बलमा ६ विकेटको पतन भएको हो । 

पुस स्पोर्टसले अन्तिम ओभरको ६ बलमा ६ विकेट गुमाउन पुगे । मलेसियाका विरनदिप सिंहले गरेको बलिङमा पुस स्पोर्टसले एकपछि अर्को विकेट गुमायो । 

---

पुस स्पोर्टसविरुद्ध २० औँ ओभरमा बलिङ गर्न आएका विरनदिपले सुरुवातमा वाइड फालेपनि त्यसपछि गणना गरिएको पहिलो बलमा मृगांक पाठकको विकेट लिए । दोस्रो बलमा इशान पाण्डे रन आउट भए । 

तेस्रो बलमा विरनदिपले अनिन्डो नाहारे, चौथोँ बलमा विशेष सारोहा, पाँचौ बलमा जतिन सिंघल र छैठौँ बलमा स्पर्शको विकेट लिए । तर पनि पुस स्पोर्टसले निर्धारित २० ओभरमा ९ विकेट गुमाएर १ सय ३२ रन जोड्यो ।