मलेसियामा हुने यू–१९ महिला विश्वकप छनोटमा नेपालले खेल्ने

काठमाडौँ – आईसीसी यू–१९ महिला टी–ट्वान्टी विश्वकप एसिया छनोट मलेसियाले आयोजना गर्ने भएको छ । क्जारस्पोर्टसले जनाए अनुसार ८ टिमको सहभागिता रहने छनोट मलेसियाले जुनमा आयोजना गर्नेछ । 

छनोटमा आयोजक मलेसियासहित नेपाल, चीन, थाइल्यान्ड, म्यानमार, युएई, भुटान र कतार रहेका छन् । क्जारस्पोर्टसले जनाए अनुसार यस प्रतियोगिताको विजेता टोलीले सन् २०२३ को जनवरीमा दक्षिण अफ्रिकामा आयोजना हुने आईसीसी यू–१९ महिला विश्वकपमा स्थान बनाउनेछ । 

---

तर आईसीसीले भने पहिलो पटक आयोजना हुने यू–१९ विश्वकपमा भने १६ टिमको सहभागिता रहने जनाएको छ । यसैबीच छनोट प्रतियोगिताका लागि नेपाल क्रिकेट संघ (क्यान) ले यू–१९ महिला क्रिकेट प्रतियोगिता धनगढीमा आयोजना गरेको थियो ।