सावित्रा सर्वाधिक गोलकर्ताको शीर्ष स्थानमा

काठमाडौँ – चितवनको सारदानगरमा जारी राष्ट्रिय महिला लिग फुटबल अन्तर्गत नेपाल एपीएफ क्लबकी सावित्रा भण्डारी सर्वाधिक गोलकर्ताको शीर्ष स्थानमा रहेकी छन् ।

चोटका कारण एक वर्ष मैदान बाहिर रहेकी सावित्राले एपीएफका लागि ५ खेल खेल्दै सर्वाधिक १३ गोल गरेकी छन् । सावित्राले वालिङ नगरपालिकाविरुद्ध ४ गोल गर्दा धनगढीविरुद्ध पनि ४ गोल प्रहार गरेकी थिईन् ।

---

उनले चन्द्रपुरविरुद्ध ३ गोल गर्दा विभागीय टोली नेपाल पुलिस क्लबविरुद्ध पनि एक गोल गर्न सफल भईन् । सावित्राले ललितपुर महानगरपालिकाविरुद्धको खेलमा एक गोल गरेकी थिईन् ।

सावित्रापछि सर्वाधिक गोलकर्ताको दौडमा त्रिभुवन आर्मी क्लबकी रश्मि कुमारी घिसिङ रहेकी छन् । रश्मिले ७ गोल गोल गरेकी छन् । यता धनगढीकी चन्द्रा भण्डारीले ६ गोल गरेकी छन् ।