एएफसी फुटसलः नेपालले २४ गोल खायो, ३ फर्कायो

काठमाडौँ – एएफसी फुटसल एसिया कप छनोट अन्तर्गत नेपालले लगातार तेस्रो खेलमा पराजित भएको छ । कीर्गिस्तानको बिसकेकस्थित गाजप्रोम स्पोर्टस कम्पलेक्समा भएको खेलमा अफगानिस्तानले नेपाललाई ८–१ ले पराजित गरेको हो । 

अफगानिस्तानको जितमा अब्दुल गफार सादेकले ह्याट्रिक गर्दा हमिद रेजा होसाइनी, मोरताजा मोहम्मदी, अली अमिरी, रेजा करिमी र सायद माहदी हसिमीले एक–एक गोल गरे । नेपालका लागि सुमित श्रेष्ठले एक गोल फर्काए ।

---

छनोट अन्तर्गत नेपाल समूह ‘बी’ मा उज्वेकिस्तान, ताजकिस्तान र अफगानिस्तानसँगै रहेको थियो । 

नेपालले पहिलो खेलमा उज्वेकिस्तानस“ग ५–१ ले पराजित हुदा दोस्रो खेलमा ताजकिस्तानसँग ११–१ ले स्तब्ध भएको थियो । नेपालले तीन खेलमा २४ गोल खाएको थियो भने केवल ३ गोल फर्कायो । 

नेपालले छनोटमा कम्तिमा एक खेल जित्ने लक्ष्य राखेकोमा त्यो भने पुरा भएन् ।