इन्टर कलेज क्रिकेटः एडभान्स सेमिफाइनल नजिक
काठमाडौँ – प्याट्रियोट्स कप इन्टर कलेज टी–ट्वान्टी क्रिकेट प्रतियोगिता अन्तर्गत एडभान्स एकेडेमीले लगातार दोस्रो जित हात पारेको छ । मुलपानी क्रिकेट मैदानमा मंगलबार भएको खेलमा एडभान्सले हिमालयन ह्वाइटहाउस कलेजलाई ७ विकेटले पराजित गर्दै दोस्रो जित हात पारेको हो ।
जितका लागि चाहिएको १ सय ३० रनको लक्ष्य एडभान्सले १९ ओभर ३ बलमा मात्र ३ विकेट गुमाएर पुरा गर्यो । एडभान्सको जितमा दिपेश दासले अविजित ३२ र सक्षम बराटाकोटीले २८ रन जोडे । हिमालयन ह्वाइटहाउसका लागि निश्चय थापा, नितेस कुमार यादव र आदर्श झाले एक–एक विकेट लिए ।
यस अघि टस जितेर पहिले ब्याटिङ गरेको हिमालयन ह्वाइटहाउसले निर्धारित २० ओभरमा ६ विकेट गुमाएर १ सय २९ रन जोड्यो । उसका लागि निश्चय थापाले सर्वाधिक ५० रन जोडे । एडभान्सका असिम श्रेष्ठले सर्वाधिक ३ विकेट लिए । जितसँगै एडभान्स समूह ‘बी’ बाट सेमिफाइनल नजिक पुगेको छ ।
यसैबीच ओमेगा कलेजले खेलाडी नपुगेपछि टेक्सस कलेजलाई वाकओभर दिएको छ । टेक्ससलाई विजेता घोषित गर्दै २ अंक प्रदान गरिएको छ ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया