इन्टर कलेज क्रिकेटः ब्लुबर्ड, गोल्डेनगेट सेमिफाइनलमा

काठमाडौँ – ब्लुबर्ड र गोल्डेनगेट कलेज प्याट्रियोट्स कप इन्टर कलेज टी–ट्वान्टी क्रिकेट प्रतियोगिताको सेमिफाइनलमा प्रवेश गरेका छन् । समूह ‘ए’ बाट ब्लुबर्ड विजेता र गोल्डेनगेट उपविजताको रुपमा अन्तिम चारमा प्रवेश गरेका हुन् ।

बुधबार भएको खेलमा ब्लुबर्डले मोर्गन कलेजलाई ८ विकेटले पराजित गर्दै समूह विजेता बन्यो । ब्लुबर्डले ३८ रनको लक्ष्य ३ ओभर ५ बलमा २ विकेट गुमाएर पुरा गर्‍याे । यस अघि टस हारेर पहिले ब्याटिङ गरेको मोर्गन १० ओभर २ बलमा अलआउट हुदै केवल ३७ रनमा सिमित भयो । 

---

ब्लुबर्डका विपिन आचार्यले सर्वाधिक ४ विकेट लिएको खेलमा मोर्गनका कुनै पनि खेलाडीले दोहोरो अंकमा रन जोड्न सकेनन् ।

अर्को खेलमा गोल्डेनगेटले एपेक्स कलेजलाई ८ विकेटले पराजित गर्‍याे । १ सय २४ रनको लक्ष्य गोल्डेनगेटले १२ ओभर ४ बलमा मात्र २ विकेट गुमाएर पुरा गर्‍याे । गोल्डेनगेटका लागि तृत राज दासले २५ बलमै ५९ रनको योगदान गरे । सचिन शर्माले ५२ रन जोडे । 

यस अघि पहिले ब्याटिङ गरेको एपेक्सले १८ ओभर ३ बलमा सबै विकेट गुमाउदै १ सय २३ रन जोड्यो । उसका लागि अंकित बिकले सर्वाधिक ३० रन जोडे । गोल्डेनगेटका रवी साहले सर्वाधिक ५ विकेट चट्काए ।