नेपालले जिम्बावेविरुद्ध क्रिकेट सिरिज खेल्ने पक्का

काठमाडौँ – नेपाल क्रिकेट टिमले टेष्ट राष्ट्र जिम्बावेको ए टिमसँग क्रिकेट सिरिज खेल्ने पक्का भएको छ ।

नेपाल क्रिकेट संघ (क्यान)ले शुक्रबार जनाए अनुसार नेपालले जिम्बावेको ए टिमविरुद्ध त्रिवि मैदानमा ५० ओभरको तीन तथा २० ओभरको तीन खेलको सिरिज खेल्नेछ । 

---

सिरिज अप्रिल ३० तारिखबाट नेपालमै हुनेछ । सिरिज मे ९ तारिखसम्म चल्ने छ । जिम्बावेको टिम अप्रिल २८ मा नेपाल आइपुग्ने क्यानले जनाएको छ ।