आर्मीलाई पराजित गर्दै उत्तर प्रदेश तेस्रो

काठमाडौँ – त्रिभुवन आर्मी क्लबलाई पाखा लगाउदै उत्तर प्रदेश क्लब ११ ले प्रो क्लब च्याम्पियनशीप क्रिकेटमा तेस्रो स्थान हात पारेको छ । भैरहवाको सिद्धार्थ रंगशालामा शुक्रबार भएको खेलमा उत्तर प्रदेशले आर्मीलाई ३० रनले पराजित गर्यो । 

जितका लागि १ सय ४० रनको लक्ष्य पछ्याएको आर्मी १८ ओभरमा अलआउट हुदै १ सय ९ रनमा सिमित भयो । आर्मीका लागि कुशल मल्लले सर्वाधिक ३५ रन जोडे । उत्तर प्रदेशका विपिन चन्द्र र तेजास सिंहले समान तीन–तीन विकेट हात पारे । 

---

यस अघि टस जितेर पहिले ब्याटिङ गरेको उत्तर प्रदेशले निर्धारित २० ओभरमा ८ विकेट गुमाउदै १ सय ३९ रन जोड्यो । उत्तर प्रदेशका लागि सन्दीप मित्तलले ४३ रनको योगदान गरे । आर्मीका सोमपाल कामीले सर्वाधिक ३ विकेट लिए ।