ब्लुबर्ड र गोल्डेनगेट फाइनलमा

काठमाडौँ – ब्लुबर्ड र गोल्डेनगेट कलेज इन्टर कलेज टी–ट्वान्टी क्रिकेट प्रतियोगिताको फाइनलमा प्रवेश गरेका छन् । फाइनल शनिबार मुलपानी क्रिकेट मैदानमा हुनेछ । 

शुक्रबार भएको पहिलो सेमिफाइनल खेलमा ब्लुबर्डले एपेक्स कलेजलाई १ सय १९ रनले पराजित गर्यो । २ सय ८ रनको विशाल लक्ष्य पछ्याएको एपेक्स १७ ओभर ३ बलमा अलआउट हुदै ८८ रनका सिमित भयो । एपेक्सका लागि मनिस खातीले सर्वाधिक २३ रन जोडे । ब्लुबर्डका सुवास खत्री, दुर्गेश क्षेत्री, निर्भिक पाठक र तिलक राज भण्डारीले समान दुई–दुई विकेट लिए । 

---

यस अघि ब्लुबर्डले निर्धारित २० ओभरमा ३ विकेट गुमाएर २ सय ७ रन जोड्यो । उसका लागि दिपक डुम्रेले सर्वाधिक ७४, सचिन लेखकले ५४ र दुर्गेश क्षेत्रीले ५० रन जोडे । 

अर्को खेलमा हिमालयन ह्वाइटहाउसलाई गोल्डेनगेटले ६ विकेटले पराजित गर्यो । गोल्डेनगेटले १ सय ३ रनको लक्ष्य १४ ओभरमा ४ विकेट गुमाएर पुरा गर्यो । उसका लागि तृत राज दासले ६१ रनको योगदान गरे । 

यस अघि टस जितेर ब्याटिङ गरेको हिमालयनले निर्धारित २० ओभरमा ९ विकेट गुमाउदै १ सय २ रन जोड्यो । सतिश यादवले सर्वाधिक २१ रन जोडे । गोल्डेनगेटका लागि सुर्य तामाङ र रवी साहले समान तीन–तीन विकेट लिए ।