ब्लुबर्डले जित्यो इन्टर कलेज क्रिकेटको उपाधि

काठमाडौँ – ब्लुबर्ड कलेजले प्याट्रियोट्स कप इन्टर कलेज टी–ट्वान्टी क्रिकेट प्रतियोगिताको उपाधि जितेको छ । मुलपानी क्रिकेट मैदानमा शनिबार भएको फाइनलमा गोल्डेनगेट कलेजमाथि एक रनको रोमाञ्चक जित हात पार्दै ब्लुबर्डले उपाधि जितेको हो । 

जितका लागि ८१ रनको लक्ष्य पछ्याएको गोल्डेनगेट निर्धारित २० ओभरमा अन्तिम ३ बल बा“की छदै ७९ रनमा अलआउट भयो । उसका लागि आशुतोष घिरैयाले सर्वाधिक २७ रन जोडे । ब्लुबर्डका लागि विवेक राना मगर, सुवाश खत्री र विपिन आचार्यले समान दुई–दुई विकेट लिए । 

---

यस अघि टस जितेर पहिले ब्याटिङ गरेको ब्लुबर्डले १८ ओभर ४ बलमा अलआउट हुदै ८० रन जोडेको थियो । ब्लुबर्डका लागि तिलक राज भण्डारीले सर्वाधिक २१ रन जोडे । गोल्डेनगेटका सुर्य तामाङले सर्वाधिक ५ तथा रवी साहले ४ विकेट लिएका थिए । 

उपाधिसँगै ब्लुबर्डले १ लाख र ट्रफी हात पार्यो । उपविजेता गोल्डेनगेटले ५० हजार प्राप्त गर्यो । गोल्डेनगेटका रवी साह प्लेयर अफ द सिरिज घोषित हुदै २५ हजार प्राप्त गर्दा गोल्डेनगेटकै तृतराज दास उत्कृष्ट ब्याट्सम्यान चुनिदै १५ हजार पाए । ब्लुबर्डका विपिन आचार्य उत्कृष्ट बलर घोषित भए । उनले पनि १५ हजार प्राप्त गरे ।