बटलरको ब्याटको कमाल

काठमाडौँ – भारतमा जारी इन्डियन प्रिमियर लिग (आईपीएल) अन्तर्गत राजस्थान रोयल्सका ब्याट्सम्यान जोस बटलर सर्वाधिक रन बनाउने खेलाडीको सूचीमा सबै भन्दा अगाडि रहेका छन् ।

इंग्ल्यँन्डका क्रिकेटर बटलरले केवल ६ खेल खेल्दा ३ सय ७५ रन जोडिसकेका छन् । त्यतिमात्र नभएर बटलरले दुई सतक समेत प्रहार गरिसकेका छन् र उनी जारी सिजनमा सर्वाधिक शतक प्रहार गर्ने खेलाडी पनि बनेका छन् । 

---

उनले दुई अर्धशतक समेत प्रहार गरेका छन् । बटलरले सर्वाधिक २३ छक्का प्रहार गर्दा उनले सर्वाधिक ३२ चौका समेत प्रहार गरेका छन् । अहिलेको अवस्थामा उनी ओरेन्ज क्यापको एक्लो दाबेदार हुन् ।

जबकी सर्वाधिक रन बनाउने दोस्रो स्थानमा रहेका कलकत्ता नाइटराइडर्सका श्रेयस ऐयरले ७ खेल खेल्दा २ सय ३६ रन मात्र जोड्न सकेका छन् । उनले केवल दुई अर्धशतक प्रहार गरेका छन् भने २५ चौका र ६ छक्का हिर्काएका छन् ।