पहिलो एकदिवसीयमा भारत विजयी

काठमाडौँ : इंग्ल्यान्डसँगको पहिलो एकदिवसीय क्रिकेटमा भारत विजयी भएको छ । मंगलबार राती सकिएको खेलमा इंग्ल्यान्डलाई ६६ रनले हराउँदै भारत विजयी भएको हो । जितसँगै भारतले तीन खेलको सिरिजमा १-० को अग्रता लिएको छ ।

---

पुनेमा टस हारेर पहिले ब्याटिङ गरेको भारतले निर्धारित ५० ओभरमा ५ विकेट गुमाएर ३१७ रन बनाएको थियो । उसका लागि शिखर धवनले ९८ रन बनाए । ३१८ रनको लक्ष्य पछ्याउँदै जवाफी ब्याटिङ थालेको इंग्ल्यान्ड भने ४२ ओभर १ बलमा अलआउट हुँदै २५१ रनमा सिमित भयो ।

उसका लागि जोनी बेयरस्टोले ९४ रन बनाएपनि टिमलाई जिताउन सकेनन् । इंग्ल्यान्डलाई सस्तैमा अलआउट गर्न भारतका प्रसिद्ध कृष्णले ४ तथा शार्दुल ठाकुरले ३ विकेट लिए ।