बक्सर टायसनले एक यात्रुमाथि मुक्का प्रहार गरेपछि‍...( भिडियोसहित)

काठमाडौँ - पूर्व हेवीवेट बक्सर माइक टायसनले आफूसँगै विमानमा यात्रा गरिरहेका एक जना यात्रुमाथि मुक्का प्रहार गरेका छन् । टायसनका प्रवक्ताका अनुसार उक्त व्यक्तिले टायसनलाई पानीको बोतलले हिर्काएपछि उनीमाथि मुक्का प्रहार गरेका थिए । 

विमानभित्र खिचिएको भिडियोमा पहिचान खुल्न नसकेका एक व्यक्तिमाथि टायसनले मुक्का प्रहार गरिरहेको देखाइएको छ ।

---

बक्सिङ हल अफ फेमरका प्रवक्ताले टायसनलाई उत्पीडित गरिरहेका एक आक्रामक व्यक्तिमाथि टायसनले मुक्का प्रहार गरेको पुष्टि गरे । प्रहरीले दुवैजनालाई पक्राउ गरेको थियो ।

टायसनको मुक्काबाट घाइते भएका उक्त व्यक्तिलाई सान फ्रान्सिस्को विमानस्थलमा उपचार गरिएको थियो ।