बिक्रम लामा खेलाडी संघको अध्यक्ष निर्वाचित

काठमाडौँ – नेपाली राष्ट्रिय फुटबल टिमका सदस्य बिक्रम लामा खेलाडी संघको अध्यक्षमा निर्वाचित भएका छन् । आईतबार भएको साधारण सभाले लामालाई सर्वसम्मत खेलाडी संघको अध्यक्षा चयन गरेको हो । 

नयाँ कार्यसमितिको उपाध्यक्षमा विकेश कुथु, सुजल श्रेष्ठ र विराज महर्जन पनि निर्विरोध चयन भए । सदस्यहरुमा रञ्जित धिमाल, अनन्त तामाङ, विशाल राई, विमल घर्तिमगर, सरोज दाहाल, रोहित चन्द र विशाल श्रेष्ठ निर्वाचित भए । उनीहरु पनि निर्विरोध निर्वाचित भए ।  

---

अध्यक्षमा निर्वाचित भएपछि लामाले खेलाडीको गुनासोको बारेमा सम्बन्धित निकायमा कुरा उठाउने तथा खेलाडीको सर्वाङ्गीण हितमा काम गर्ने विश्वास व्यक्त गरे ।

एन्फा अध्यक्ष कर्मा छिरिङ शेर्पाले नयाँ कार्यसमितिलाई शुभकामना व्यक्त गरेका थिए ।