एसियाडका लागि साइक्लिङको छनोट शुक्रबार

काठमाडौँ – नेपाल साइक्लिङ संघले १९ औं एसियन गेम्सका लागि शुक्रबारबाट खेलाडीको प्रारम्भिक छनोट गर्ने भएको छ । संघले काठमाडौँको जगडोल, गोकर्णमा वैशाख १६ गते खुल्ला राष्ट्रिय टिमको छनोट प्रतियोगिता गर्ने जानकारी गराएको छ । संघले क्रस कन्ट्रीतर्फ पुरुष एलिट तथा महिला एलिट साथै डाउनहिलतर्फ पुरुष एलिट तथा महिला एलिटको छनोट राखेको छ ।

प्रारम्भिक छनोटका लागि १३ औं दक्षिण एशियाली खेलकुदमा पदक विजेता खेलाडी, १३ औं दक्षिण एशियाली खेलकुद पछिका राष्ट्रिय तथा अन्तराष्ट्रिय प्रतियोगितामा सहभागिता भइ पदक विजेता खेलाडीहरु, १३ औं दक्षिण एशियाली खेलकुदका लागि बन्द प्रशिक्षणमा समावेश भएका खेलाडी तथा

---

रसुवा हाई अल्टिच्युट एमटिबी प्रतियोगिता र लिगलिग एमटिबी प्रतियोगितामा १० औं स्थान सम्म प्राप्त गरेका खेलाडीहरुलाई प्राथमिकता दिइने संघले जनाएको छ ।

एसियन गेम्स सेप्टेम्बरमा चीनमा आयोजना हुदैछ ।