युक्रेनमा फुटबल लिगका बाँकी खेल नहुने, उपाधि पनि नदिइने

काठमाडौँ -  युक्रेनको यस सिजनको प्रिमियर लिग फुटबलका बाँकी खेलहरु नहुने भएको छ । साथै कुनै पनि टिमलाई उपाधि नदिइने लिगले जनाएको छ ।

देशमा जारी 'मार्सल ल' का कारण यस सिजनको लिग समाप्त गरिएको तथा कुनै पनि टिमलाई उपाधि नदिइने लिगले जनाएको हो । रुसले युक्रेनमाथि सैन्य कारबाही सुरु गरेपछि युक्रेनमा 'मार्सल ल' लागू गरिएको छ ।

---

रुसले युक्रेनमाथि फेब्रुअरीमा आक्रमण गरेदेखि लिगका खेलहरु भएका छैनन् । लिगमा सख्तर डोनेस्कले १८ खेलबाट ४७ अंक जोड्दै लिगमा अग्रता बनाएको थियो ।

फेब्रुअरी २४ मा रहेको अंक तालिका नै अन्तिम हुने छ । युक्रेनबाट लिगका शीर्ष दुई टिमले च्याम्पियन्स लिगमा छनोट हुने प्रावधान रहेको छ ।