को हुन् अमेरिकाले दावी गर्ने पुटिनकी प्रेमिका अलिना ?

काठमाडौँ - अमेरिकाले ३९ वर्षीया अलिना कावएभालाई रुसी राष्ट्रपति भ्लादिमिर पुटिनकी प्रेमिका तथा उनका तीन सन्तानकी आमा भएको दावी गर्दै आएको छ । जुन कुरालाई ६९ वर्षीय पुटिन तथा कावएभाले अस्विकार गर्दै आएका छन् । 

कावएभा रिदमिक जिमनास्ट तथा पूर्व ओलम्पिक च्याम्पियन हुन् । उनी डोपिङ स्क्यान्डलका लागि अन्तर्राष्ट्रिय खेलकुदमा परिचित छिन् । उनी पटक पटक पुटिनसँग देखिने अझ उनीमाथि पुटिनको सम्पती लुकाएर राखेको आरोप समेत लाग्ने गरेको छ । 

---

गत शनिबार मस्कोको भिटिबी एरेनामा उनकै नाममा आयोजना गरिएको जिमनास्टिक महोत्सवमा देखापरेकी थिइन् र उनी जेट संकेत गर्ने लोगोसँगै थिइन् । उक्त लोगोले रुसले युक्रेनमा जारी राखेको आक्रमणको समर्थनलाई जनाउछ । उनले सबै परिवारमा युद्धको कथा हुने गरेको तथा युद्धका कथा एकपछि अर्को पुस्तामा हस्तान्तरण हुने बताइन् । उनले अन्तर्राष्ट्रिय प्रतिबन्धले रुसले जिमनास्टिक अझ बलियो हुने समेत बताइन् ।

कावएभा उजवेकिस्तानमा जन्मिएकी भएपनि उनी रुसी नागरिक हुन् । खेललाई प्राथमिकतामा राख्दै उनले उच्च शिक्षालाई बिचमै छाडेकी थिइन् ।

एथेन्समा सन् २००४ मा भएको ओलम्पिकमा रिदमिक जिम्नास्टिकतर्फ स्वर्ण जितिन् । उनी एकाएक राष्ट्रिय स्टारको रुपमा उदाइन् । खासगरी उनको 'सिगनेचर मुभ' का कारण जसलाई रिदमिक जिमनास्टिक्सको रुलबुकमै कावएभाको रुपमा उल्लेख गरियो । त्यतिमात्र नभएर कावएभा रुसको सबैभन्दा लचिलो शरिर भएकी महिलाको उपमा समेत पाइन् ।

उनले २१ पटक युरोपियन च्याम्पियनशीप तथा १४ विश्व च्याम्पियनशीपको पदकसँगै ओलम्पिकमा दुई पदक समेत जितेकी थिइन् । 

सन् २००१ मा कावएभालाई प्रतिवन्धित औषधी प्रयोग गरेको भन्दै कावएभाले म्याड्रिडमा जितेको विश्व च्याम्पियनशीपको पदक खोसियो साथै एक वर्षको प्रतिवन्ध समेत लगाइयो । तर उनी पुन: खेलमा फर्किइन् र विश्व च्याम्पयनशीप र ओलम्पिकमा स्वर्ण जित्न सफल भइन् । एजेन्सीको सहयोगमा