एनएसएलका लागि एन्फाको नयाँ मिति, आयोजक भने भदौ २५ को समय कुर्दै

काठमाडौँ -  अखिल नेपाल फुटबल संघ (एन्फा) ले दोस्रो संस्करणको नेपाल सुपर लिग (एनएसएल) भदौ १५ देखि असोज २५ सम्म आयोजना गर्न समय दिएको छ ।

एन्फाले एनएसएल आयोजक नेपाल स्पोर्टस एण्ड इभेन्ट म्यानेजमेन्ट (एनएसइएम) लाई बिहीबार पत्राचार गर्दै एनएसएल भदौ १५ देखि असोज २५ गतेसम्म आयोजना गर्ने समय दिएको हो ।

---

तर आयोजक एनएसइएमले भने भदौ २५ देखि कातिक ५ गतेसम्मका लागि समय माग्दै पत्राचार गरेको थियो ।

एन्फाले नयाँ मिति तोकेपनि आयोजक एनएसइएमले भने भदौ २५ देखि कातिक ५ गतेसम्मकै लागि पुन: समय माग गरेको छ । विवादका कारण पूर्व निर्धारित समयमा एनएसएल हुन सकेको थिएन ।

एनएसएलको दोस्रो संस्करणमा १० टिमको सहभागिता हुँदैछ ।