एसियन गेम्सका लागि ब्याडमिन्टनतर्फ १४ खेलाडी छनोट

काठमाडौँ – चीनमा आयोजना हुने १९ औं एसियन गेम्सका लागि ब्याडमिन्टनतर्फ प्रारम्भिक चरणमा १४ खेलाडी छनोट भएका छन् । नेपाल ब्याडमिन्टन संघले प्रतियोगिताबाट पुरुष र महिलातर्फ समान ७-७ खेलाडी पहिलो चरणका लागि छनोट भए ।

पुरुषतर्फ विश्व जुनियर नम्बर १ खेलाडी प्रिन्स दाहालसहित नविन श्रेष्ठ, प्रफुल महर्जन, दिपेश धामी, बिष्णु कटुवाल, साजन कृष्ण ताम्राकार र सुदीप सेढाई प्रारम्भिक चरणका लागि छनोट भए ।

---

महिलातर्फ राष्ट्रिय च्याम्पियन रशिला महर्जन, नङ्गशल तामाङ, जेशिका गुरुङ, अनुमाया राई, निता लम्साल, सुनयना मुखिया र शोभा गौचन छनोट भए ।