बसिरलाई समेट्दै नेपालको प्लेइङ ११ घोषणा, नेपाल ब्याटिङमा

काठमाडौँ -  जिम्वाबे ए विरुद्धको पहिलो टी-ट्वान्टी क्रिकेट खेलका लागि नेपालले बसिर अहमदलाई समेट्दै प्लेइङ ११ घोषणा गरेको छ ।

त्रिवि क्रिकेट मैदानमा हुने खेलका लागि बसिर सहित कप्तान सन्दीप लामिछाने, आशिफ शेख, रोहित कुमार पौडेल, दिपेन्द्र सिंह ऐरी, आरिफ शेख, आदिल अन्सारी, करण केसी, सोमपाल कामी, कुशल भुर्तेल र अविनाश बोहरा रहेका छन् ।

---

सहाब आलम, विवेक कुमार यादव, लोकेश बम र भिम सार्की बेन्चमा रहेका छन् ।

यसैबीच नेपालले जिम्वाबेविरुद्ध पहिले ब्याटिङ गर्ने भएको छ । जिम्वाबेले टस जितेर नेपाललाई पहिले ब्याटिङका लागि निम्तो दिएको हो ।

नेपालले जिम्वाबेविरुद्ध तीन खेलको टी-ट्वान्टी सिरिज र तीन खेलको ५० ओभरको सिरिज खेल्दैछ ।