टेलरले गरिन् विश्व च्याम्पियनशीपको उपाधि रक्षा

काठमाडौँ - काट्टी टेलरले लाइटवेटतर्फको विश्व बक्सिङ च्याम्पियनशीपको उपाधि रक्षा गरेकी छन् । अमेरिकाको न्यूयोर्कको म्याडिसन स्क्वायर गार्डेनमा भएको खेलमा टेलरले अमान्दा सेरानोलाई पराजित गर्दै उपाधि रक्षा गरेकी हुन् ।

विवादित खेलमा आइरिस बक्सर टेलरले पियुर्टो रिकाकी सेरानोलाई अंकका आधारमा पराजित गरिन् । तीन मध्ये दुई निर्णायकले टेलको पक्षमा निर्णयमा पुग्दा एक निर्णायकले सेरानोको पक्षमा निर्णय गरेका थिए ।

---

दुई निर्णायकले टेलरको पक्षमा ९७-९३ तथा ९६-९३ निर्णय दिदा एक निर्णायकले भने सेरानोको पक्षमा ९६-९४ को निर्णय सुनाएका थिए । खेल १० चरणसम्म चलेको थियो ।