खेलकुद पत्रकार सुमनको सातौँ स्मृति दिवस मनाइयो

काठमाडौँ -  नेपाल खेलकुद पत्रकार मञ्च (एनएसजेएफ) ले २०७२ को भुकम्पमा निधन भएका खेलकुद पत्रकार सुमन भोम्जनको सातौँ स्मृति दिवस मनाएको छ । काठमाडौँमा सोमबार एक कार्यक्रम गरी सुमनको सातौँ स्मृति दिवस मनाएको हो ।

२०७२ वैशाख १२ गते गएको भुकम्पमा परी खेलकुद पत्रकारको निधन भएको थियो । उनी वैशाख १९ गतेमात्र मृत फेला परेका थिए । एनएसजेएफले सुमनको सम्झनामा प्रत्येक वर्ष सुमन भोम्जन युवा खेलकुद पत्रकारिता पुरस्कार प्रदान गर्दै आएको छ ।

---

यसैबीच, एनएसजेएफका अध्यक्ष देवेन्द्र सुवेदीले सुमनको नाममा १० लाख फिक्ड डिपोजिटमा राखेको तथा प्रत्येक वर्ष आउने व्याजको आधा रकम पुरस्कार प्राप्त गर्नेलाई प्रदान गरिने जनाए ।