राष्ट्रिय भलिबल: आर्मी र पुलिस विजयी

काठमाडौँ – नेपाल पुलिस क्लब र त्रिभुवन आर्मी क्लबले छैटौं संस्करणको आरबीबी-एनभीए राष्ट्रिय महिला तथा पुरुष क्लब भलिबल लिग प्रतियोगितामा जित हात पारेका छन् । 

त्रिपुरेश्वरस्थित राखेपको कभर्डहलमा सोमबार भएको महिलातर्फको खेलमा पुलिसले अर्को विभागिय टिम नेपाल एपीएफ क्लबलाई ३-१ को सेटमा पराजित गरेको हो ।
पुलिसले सुरुवातमा दुई सेट २५-२०,२५-२३ ले आफ्नो पक्षमा पारेको थियो तर तेस्रो सेट भने एपीएफले २५-१७ ले जित्यो । तर पुलिसले भने  चौथो सेटमा एपीएफलाई २५-१६ ले सहजदै पराजित गर्या । 

---

सोमबार नै भएको अर्को खेलमा आर्मी क्लबले एभरेस्ट भलिबल क्लबलाई ३-० को सोझो सेटमा पराजित गर्यो । आर्मीले एभरेस्टलाई २५-१९, २५-७ र २५-१८ को सेटमा जित हराएको थियो ।