वर्षाका कारण नेपाल र जिम्बावेबीचको खेल रद्द

काठमाडौँ – नेपाल र जिम्बावे 'ए' बीचको दोस्रो टी-ट्वान्टी क्रिकेट खेल वर्षाका कारण रद्द भएको छ । टस हारेर पहिले ब्याटिङ गरिरहेको जिम्बावेले ४ ओभर ३ बलमा २ विकेट गुमाएर ४८ रन जोड्दा वर्षा सुरु भएको थियो ।

वर्षा सुरु भएपछि खेल स्थगित भएको थियो । तर खेलका लागि तोकिएको समयसम्म पनि मैदान खेल्न योग्य नभएपछि खेल रद्द गरिएको हो ।

---

जिम्बावेका इनोसेन्ट शून्य तथा टाडिवानासे मारुमानी २१ रनमा आउट हुँदा कुदजाइ माउन्जे २२ रन तथा रोय काइया १ रनमा नटआउट रहेका थिए ।

यस अघि आइतबार भएको खेलमा जिम्बावेले नेपाललाई ६ विकेटले पराजित गरेको थियो ।