नेपाल र जिम्बावे 'ए' भिड्दै

काठमाडौँ -  नेपाल र जिम्बावे 'ए' बीच जारी तीन खेलको टी-ट्वान्टी क्रिकेट सिरिजको तेस्रो तथा अन्तिम खेल आज हुँदैछ । खेल त्रिवि क्रिकेट मैदानमा १ बजेबाट सुरु हुनेछ ।  

सिरिजमा पाहुना टोली जिम्बावे १-० ले अगाडी रहेको छ । पहिलो खेलमा जिम्बावेले नेपाललाई ६ विकेटले पराजित गर्दा दोस्रो खेल भने वर्षाका कारण रद्द भएको थियो ।

---

पहिलो खेलमा पराजय भएको नेपाललाई सिरिज गुमाउनबाट बच्न आजको खेल जित्नै पर्ने दवाव छ । नेपाली टिमका कप्तान सन्दीप लामिछानेले जिम्बावेविरुद्ध उत्कृष्ट प्रदर्शन गर्दै पुनरागमन गर्ने विश्वास व्यक्त गरेका छन् ।

नेपालले टी-ट्वान्टी सिरिजपछि जिम्बावेविरुद्ध तीन खेलको एकदिवसीय सिरिज पनि खेल्ने तालिका रहेको छ ।