रियल म्याड्रिड च्याम्पियन्स लिगको फाइनलमा

काठमाडौँ -  स्पेनिस फुटबल क्लब रियल म्याड्रिड च्याम्पियन्स लिगको फाइनलमा प्रवेश गरेको छ । बुधबार राति भएको सेमिफाइनलको दोस्रो लेगमा इंग्लिस क्लब म्यानचेस्टर सिटीलाई ३-१ ले पराजित गर्दै रियल फाइनलमा प्रवेश गरेको हो ।

पहिलो लेग ४-३ ले हारेको रियलले समग्रमा ६-५ को जित निकाल्न सफल भयो । फाइनलमा अब रियलले लिभरपुलको सामना गर्ने छ ।  

---

दोस्रो लेगमा रियललाई जित दिलाउन रोड्रीगोले दुई तथा करिम बेन्जेमाले एक गोल गरे । सिटीका लागि एकमात्र गोल रियाद माहरेजले गरे ।

माहरेजले ७३ औँ मिनेटमा गोल गर्दै सिटीलाई अग्रता दिलाएका थिए । तर रोड्रीगोले ९० औँ तथा इन्जुरी समयमा लगातार दुई गोल गर्दा बेन्जेमाले पेनाल्टीमार्फत गोल गर्दै रियललाई जित मात्र दिलाएनन् फाइनलमा समेत पुर्याए ।