खेल चलिरहँदा एक युवतीले प्रेम प्रस्ताव राखेपछि…

काठमाडौँ -  इन्डियन प्रिमियर लिग (आईपीएल) मा बुधबार राति रोयल च्यालेन्जर्स बैंग्लोर र चेन्नई सुपर किंग्सबीचको खेल चलिरहदा एउटा दुर्लभ दृष्य देखियो ।

पुणेको महाराष्ट्र क्रिकेट एसोसिएसन क्रिकेट स्टेडियममा खेल चलिरहदा एक युवा जोडी भने आफ्नो जीवनसँगै जिउने वाचा गरिरहेका थिए । क्यामेरापर्सनले उनीहरुको उक्त उत्कृष्ट क्षण भने भिडियोमा कैद गर्न सफल भए ।  

---

उनीहरुको भिडियो र तस्विर सामाजिक सञ्जालमा भाइरल भयो । चेन्नईको ११ औँ ओभरको खेल चलिरहदा तस्विरमा देखाए अनुसार बैंग्लोरको जर्सी लगाएका एक एक युवालाई एक युवतीले घुँडा टेक्दै प्रेम प्रस्ताव राखिरहेका थिए ।

उक्त युवकले पनि युवतीको प्रेम प्रस्ताव स्विकार गरेपछि खेल हेरिरहेकाहरुले तालिले स्वागत गरेका थिए । उनीहरुले एक अर्कालाई अंगालो हाले र उक्त क्षणलाई यादगार बनाए ।