च्याम्पियन्स लिगको पीडा भुलाउँदै सिटी

काठमाडौँ- च्याम्पियन्स लिगको सेमिफाइनलमा पराजय भोगेको म्यानचेस्टर सिटीले इंग्लीस प्रिमियर लिग फुटबलमा भने न्यूकासललाई पराजित गरेको छ । आइतबार राति भएको खेलमा सिटीले न्यूकासललाई ५-० ले पराजित गर्‍यो ।

जितसँगै शीर्षस्थानमा रहेको सिटीले दोस्रो स्थानको लिभरपुलसँगको दूरी ३ अंकमा पुर्याएको छ । सिटीले ३५ खेलबाट ८६ अंक जोड्दा लिभरपुलको भने ३५ खेलमै ८३ अंक रहेको छ । लिभरपुलले पछिल्लो खेलमा टोटनहमसँग बराबरी खेलेपछि सिटीले त्यसको फाइदा लिन सफल भएको हो ।

---

च्याम्पियन्स लिगमा स्पेनिस क्लब रियर म्याड्रिडसँग भोगेको पराजयपछि न्यूकासलमाथिको शानदार जितले सिटीलाई केही राहत मिलेको छ । सिटीको जितमा रहिम स्टेरिलङले दुई गोल गर्दा अयमेरिक लापोर्ते, रोड्री र फिल फोडेनले एक-एक गोल गरे ।

न्युकासलसँगको खेल अघि सिटीमाथि कैयौ प्रश्नहरु उठेका थिए तर खेलको नतिजाले भने सबै प्रश्नहरुको उत्तर दिन सफल भएको छ ।